Яснавяльможны пане (futureal2006) wrote,
Яснавяльможны пане
futureal2006

Дзьвіны блакітная купель...

Прапаную да ўвагі шаноўнага спадарства невялічкі teaser вандроўкі ўздоўж вялікай беларускай ракі - матухны Заходняй Дзьвіны, хвалі якой для беларусаў адначасова з'яўляюцца калыскай дзяржаўнасьці і купельлю хрысьціянства.
Вандроўка адбылася гэтай вясною, калі ўзровень вады ў беларускіх рэках пабіў усе рэкорды, так што вы пабачыце прыгажуню Дзвіну ўва ўсёй яе магутнай прыгажосьці.
Першая кропка вандроўкі - старадаўні Віцебск. Мы паблукаем па ўтульных вулках старога горада, дзе неўспадзеў можна сустрэць... ільвоў!
...а таксама пабачым помнікі архітэктуры, сярод якіх - найпрыгажэйшая ратуша Беларусі...
і самы вялікі праваслаўны храм краіны:
Затым наведаем бацьку беларускіх гарадоў - Полацак, вуліцы якога памятаюць крокі Францішка Скарыны і сьвятой Еўфрасіньні...
Паглядзім на вечаровыя агеньчыкі Полацка сучаснага...
палюбуемся начною Дзьвіной з Сафійскай гары...
і ў нямым захапленьні пастаім каля Цуда, чые белыя вежы, здаецца, зіхацяць са змроку стагодзьдзяў...
Наступны наш прыпынак - Дзісна, самы маленькі горад Беларусі, які дагэтуль захаваў непаўторную аўру старога мястэчка.
Мы пройдземся па старасьвецкай брукаванцы ўздоўж Дзьвіны...
паблукаем сярод гатычных руін...
а таксама пракацімся па масту, пабудаванаму напачатку мінулага стагодзьдзя:
А Дзьвіна тым часам нясе нас далей, да другога старажытнага гарадка - Дрысы (сучасны Верхнедзьвінск),
дзе ня толькі захавалася старая местачковая забудова...
але нават і шыльды на дамах - стогадовай даўнасьці!
Такасама ў Дрысе захаваўся аўтэнтычны помнік у гонар стагодзьдзя Айчыннай вайны 1812 года:
У Дрысе мы разьвітваемся з Дзьвіной, але вандроўка не спыняецца! У якасьці бонуса - непаўторная Сар'я зь яе цудоўным храмам...
і прыгажуном паркам:
а таксама Асьвея, дзе можна паблукаць па калідорах старажытнага кляштара...
наведаць самую паўночную царкву Беларусі...
і велічныя руіны палаца, які калісьці маляваў Напалеон Орда.
Спадзяюся, што мне ўдалося Вас зацікавіць ) Крышку цярпеньня - празь некаторы час чакайце падрабязныя справаздачы з кожнага пункта вандроўкі! Да пабачэньня!)
Subscribe

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 4 comments